ಉಡುಪಿ: ಸಂತೆಕಟ್ಟೆಯ ನೇಜಾರಿನಲ್ಲಿರುವ ನೂರ್-ಉಲ್-ಫುರ್ಖಾನ್ ವಿಶೇಷ ಮಕ್ಕಳ ಶಾಲೆಗೆ ಬುಧವಾರ ಲಯನ್ಸ್ ಕ್ಲಬ್ (ಪ್ರಕೃತಿ ) ಉಡುಪಿ ತಂಡ ಭೇಟಿ ನೀಡಿತು.
ಈ ವೇಳೆ ತಂಡದ ವತಿಯಿಂದ ನೂರ್-ಉಲ್-ಫುರ್ಖಾನ್ ವಿಶೇಷ ಮಕ್ಕಳ ಶಾಲೆಗೆ ಎರಡು ದಿವಸಕ್ಕೆ ಬೇಕಾದ ಊಟದ ಖರ್ಚು ಹಾಗೂ ಹಣ್ಣು-ಹಂಪಲು ನೀಡಲಾಯಿತು. ಕಾರ್ಯಕ್ರಮದ ಸಂಪೂರ್ಣ ಖರ್ಚನ್ನು ಭರಿಸಿದ ಲಯನ್ ಸುಧಾಕರ್ ಶೆಟ್ಟಿ ಹಾಗೂ ಇನ್ನಿತರ ಪದಾಧಿಕಾರಿಗಳಿಗೆ ಶಾಲೆಯ ಸಂಸ್ಥಾಪಕಿ ಹಾಗೂ ಮುಖ್ಯ ಶಿಕ್ಷಕಿಯಾದ ದಿಲ್ಶಾದ್ ಫಝಲುರ್ ರಹಮಾನ್ ರವರು ಕೃತಜ್ಞತೆಯನ್ನು ಸಲ್ಲಿಸಿದರು ಹಾಗೂ ಎಲ್ಲರನ್ನು ಸ್ವಾಗತಿಸಿದರು.
ಲಯನ್ಸ್ ಕ್ಲಬ್ ಪ್ರಕೃತಿ ಉಡುಪಿಯ ಅಧ್ಯಕ್ಷರಾದ ಬಿ. ಗಿರೀಶ್ ಐತಾಳ್, ಖಜಾಂಚಿಯಾದ ಭಾಸ್ಕರ್ ಶೆಟ್ಟಿಗಾರ್, ಸೆಕ್ರೆಟರಿ ಅನಂತ್ ನಾಯಕ್, ಹಾಗೂ ಜಿಲ್ಲಾ ಕೋ-ಆರ್ಡಿನೇಟರ್ ಶೇಖರ್ ಡಿ. ಶೆಟ್ಟಿ, ಮುಖ್ಯ ಅತಿಥಿಯಾಗಿ ನ್ಯಾಯವಾದಿ ಮೊಹಮ್ಮದ್ ಸುಹಾನ್ ಹಾಗೂ ಇತರ ಲಯನ್ಸ್ ಸದಸ್ಯರು ಉಪಸ್ಥಿತರಿದ್ದರು.
