ಉಡುಪಿ ಜಿಲ್ಲೆಯ ಮಟ್ಟಿಗೆ ಇದು ವಿವಾದಕ್ಕೆ ಎಡೆ ಮಾಡಿದ್ದು, ಉಡುಪಿ ಹೊರವಲಯದ ಉಪ್ಪೂರು ಬಳಿ ಜಿಲ್ಲಾಡಳಿತ ಇದಕ್ಕಾಗಿ ಗುರುತಿಸಿದ ಜಾಗದ ವಿರುದ್ಧ ಈಗ ಮೂರು ಗ್ರಾಮಗಳ ಜನತೆ ಒಂದಾಗಿ ಹೋರಾಟಕ್ಕೆ ಮುಂದಾಗಿದ್ದಾರೆ. ಉಪ್ಪೂರು, ಹಾವಂಜೆ ಹಾಗೂ ಆರೂರಿನ ಗ್ರಾಮಸ್ಥರು ಜಿಲ್ಲಾಡಳಿತದ ಈ ನಿರ್ಧಾರವನ್ನು ವಿರೋಧಿಸುತ್ತಿದ್ದಾರೆ.
ಉಡುಪಿಯಲ್ಲಿ ಬೀದಿ ನಾಯಿಗಳ ಉಪಟಳ ಇಂದು ನಿನ್ನೆಯದಲ್ಲ. ಜಿಲ್ಲೆಯಲ್ಲಿ ಸುಮಾರು 18,000 ಬೀದಿನಾಯಿ ಗಳನ್ನು ಗುರುತಿಸಿರುವ ಜಿಲ್ಲಾಡಳಿತ ಹೊರವಲಯದ ಉಪ್ಪೂರು ಗ್ರಾಮದಲ್ಲಿ ಶೆಲ್ವರ್ ನಿರ್ಮಾಣಕ್ಕೆ ಮುಂದಾಗಿದೆ. ಆದರೆ ಈ ಗ್ರಾಮದ ಜನರು ನಮ್ಮೂರಿಗೆ ಬೀದಿನಾಯಿಗಳ ಶೆಲ್ಪರ್ ಬೇಡವೇ ಬೇಡ ಎಂದು ಪಟ್ಟು ಹಿಡಿದು ಕುಳಿತಿ ದ್ದಾರೆ. ಜಿಲ್ಲಾಡಳಿತದ ಈ ನಿರ್ಧಾರದ ವಿರುದ್ಧ ಇದೇ ಫೆ.6ರಂದು ಮಣಿಪಾಲದ ಜಿಲ್ಲಾಧಿಕಾರಿ ಕಚೇರಿ ಎದುರು ಬೃಹತ್ ಪ್ರತಿಭಟನೆ ನಡೆಸಲು ಮೂರು ಗ್ರಾಮಗಳ ಜನತೆ ಸಾಮೂಹಿಕ ನಿರ್ಧಾರ ಕೈಗೊಂಡಿದ್ದಾರೆ.
